Parte sira husi Jornal Parede

Obra Jornal Parede (JP) ida, ita tenki domina ninia base ka fundamentu.  Izemplo tuir mai referensia deit.

1. Logo

Normalmente utilize logo organizasaun ruma. Izemplo logo Eskola.

2. Titulu

Bele forma husi liafuan ruma nebe furak no dada atensaun. Izemplo : REDE (REvista pareDE)

3. Edisaun

Edisaun mak tema. Hakerek ho maneira : Edisaun : Loron valentine

4. Saudasaun Redasaun

Hanesan liafuan makloke/sauda husi ekipa ba leitor. Izemplu : Hai, Guys ? REDE edisaun ohin ho tema Loron Valentine. Iha artigu, puisia, komik, ehm…. Barak xaaaa / Chech it out!

5. Strutura Redasaun

Kontein naran ekipa ho responsavel.

6. Artigu

Kontein artigu badak nebe iha relasaun ho JP

7. Opiniaun / opini

Hanoin ema sira nian sobre tema nebe foka. Ne’e katak ita foti tema Valentine, ita tenki entrevista ema sira kona ba arti ka signifikadu husi Valentine ba sira.

8. Materia adisional
Kuandu sei iha fatin mamuk ba revista parede, bele aumenta ho material adisionais nebe furak :
- Tips furak & Info Uniku: Presiza tebes hodi atrai vontade le’e.
- Puisia & Sik ai sasik: utilize hodi kompleta JP.
- Historia badak: Hili no hakerek historia badak nebe kapas no relevante ho tema JP.

- Ilustrasaun/Karikatur: Hodi hafutar JP.
- Komik badak: nudar meius divertimentu ba leitor no kompleta konteudu JP. Diak liu mak komik ligagu ho tema JP.

9. Kantu JP

Kontein sugestaun ou komentariu strutura kona ba JP nebe obra.

10. Asesorio ka hafutar ou hiasan

Hodi halo JP sai furak. Bele halo husi Koran, surat tahan lulun, renda, butaun, pita, ai musan sira nsst.