Sa ida mak Radio Komunidade

Radio komunidade maka halao nia operasaun iha komunidade, ba komunidade, kona ba komunidade no hosi komunidade.

          Nudar media masa nebe popular no bele asesu ba komunidade. Halao ho orsamentu kiik. Halao operasaun, nain rasik no dirije husi komunidade sira nebe sira serbi.La preokupa ho kategoria kompetitava hodi hetan selu ba anunsiu /iklan nian (laos ba lukru). Imvolve membru komunidade lokal iha produsaun programa, foka liu ba topiku lokal nebe relevante. Uza lian local no transmite notisia local nian. Nudar tipu servisu radio nebe oferese modelu datoluk transmisaun radio kona ba transmisaun radio komersial no transmisaun radiu publiku. Diferensia entre radio komunidade no radiu publiku : Transmisaun radiu publiku nia misaun maka servisu publiku ba rona nain tomak, radio komunidade halao nia operasaun iha area jeografiku limitadu no ba grupo rona nain balun deit.

Ezemplo hodi servisu transmisaun radiu publiku mak :

1.     Radio-Televisaun Timor Leste (RTTL)

2.    Australia Broadcasting Corporation (ABC), hetan fundu 100% husi kontribuente

3.    CBC Radiu 1, Radiu 2 no Radiu 3 iha Kanada

4.    National Public Radiu iha EUA

5.    BBC iha reinu Unidu

6.    Radio Tokyo iha japaun

7.    RTM iha Malazia

8.    China National Radiu

9.    RRI  no

10.  RDP

  Diferensia entre radiu komunidade no radiu komersial : Radio komersial transmite programa hodi hetan lukru no fiar ba patrosinu komersial no hetan selu ba anunsiu / iklan, programasaun nebe kompetitavu no, halo kategoria popularidade. Radiu komunidade hetan apoiu husi guvernu no dala ruma hetan mos apoiu husi organizasaun sira seluk no intidade seluk