Vantajen Radio Komunidade

Instrumentu forte ba mudansa social liu-liu iha komunidade ho lian no kultura oi-oin no ninia populasaun nebe mukit no ho nivel edukasaun kiik. Bele asesu no aproximasaun hodi promove ligasaun entre membru komunidade sira. Fo lisensa no fo korajen partisipasaun ativa husi membru komunidade sira. Hatan ba preokupasaun komunidade nian ba ida nebe atu serbi ba. Fornese nesesidade informasaun komunidade sira nebe hela iha fatin besik  sira nune’e mos setor oi-oin komunidade nian. Transmite programa nebe popular no relevante ho audiensias espesifika no local maibe ida nebe dala barak bele haluha tiha husi transmisor media masa ka komersial. Fornese meiu kapasitasaun ho auto-sufesiensia. Kapasita ema sira hodi involve iha dialogu kona ba sira nia kondisaun no sira nia subsistensia. Kontribui ba diversidade cultural. Hanesan kareta ida ba komunidade hodi serbisu iha parseria ho setor voluntariu, organizasaun sosiedade sivil, ajensia sira seluk no sidadaun hodi apoia ba dezemvolvimentu komunitariu.

Komparasaun radio Komunidade ho tipu radiu sira seluk

Karateristika	Radiu Komunidade	Tipu Radio sira seluk
Objetivu	Servi interese komunidade besi-besik nian ; karakteristika ema nian, eventu no atividade nebe familiar, importante no bele asesu ba ema sira hodi servi ba; fornes informasaun nebe edukasional no interesante no entretenimentu.	Fornese informasaun, edukasaun, divertimentu hodi servi populasaun jeral, luan ; aumenta ho popularidade ba lukru; promosaun no faan produtu no servisu ; ba propaganda.
Mensajen	Informasaun dezemvolve atua juda ema sira hodi hasae sira nia moris mak hanesan konesimentu kona ba maternidade, ijiene, nutrisaun, teknolojia foun, atualizasaun eventu komunitariu.	Notisia no iventu atual nebe mosu hela iha nasaun laran no mundial iha area politiku, negosiu no komersiu, desportu, entretenimentu ; individu, inkorporadu ka informasaun auto-servisu guvernu nian.
Audiensia	Ema sira besik iha suku sira iha distritu ka bele ba suku sira nebe besik-besik iha distritu sira besik malu, etniku oi-oin, grupu relijiozu oioin; ema foinsae sira	Populasaun jeral nebe iha asesu ba transmisaun radiu nian.
Fonte informasaun	Ema baibain sira, labarik sira, joven sira, ofisial guvernu nian, ONG sira, fatin emprezarial no komersial, dame no ofisial siguransa, lider relijiozu sira, ofisial edukasaun no mestre sira.	Tipikamente personalidade konesida diak iha politiku, komersiu, desportu, entretenimentu, siguransa, saude, edukasaun, arte; organizasaun sosiedade sivil; embaixada no misaun diplomatika sira.