Virus Wanna Cry

Desde horseik ema wain mak deskute sobre Virus Wanna Cry.  Tuir informasaun nasaun 100 ida mundo nee mak hetan ataka ransomware ho naran Virus Wanna Cry. Nasaun visinu Indonesia deit, iha Hospital balun nebe infrenta difikuldade asesu dadus wainhira loke komputador tamba kona ona virus nebe ema temi nudar “Terosrisme Cyber”.

Pois, Virus Wanna Cry nee loloos nee mak oinsa no perigu oinsa mak virus nee hamosu ? 

Kuandu kona ona virus refere, ida nee sei halo uluk mak tanis. Klaru, virus ne’e sei taka hotu asesu ba dadus ka data sira nebe rai iha komputador. 

Virus nee bele halakon ka lae?

Ema nebe espalha virus nee fo solusaun nebe etok halo ema aumenta tanis. Bele asesu dadus se paga ona 400 USD ba mak kria virus Wanna Cry. Osan refere tenki selu ho forma osan virtual Bitcoin. 

Konforme Tekno Liputan6.com , aksaun tuir mai bele utiliza hodi prevene virus nee halo tanis tan ema.

Ida mak backup hotu data nebe atu ita asegura husi virus wanna cry ba eksternal HDD tamba nee desliga ho internet.

Rua, labele fiar ba iklan nebe mosu iha pagina web, laos nee deit husu mos atu atensaun ho aplikasaun sira nebe mosu iha web

Tolu, utiliza anti virus no keta haluha update software sira nebe iha, nune’e ransomware la aproveita hadaet virus Wanna Cry.

Haat, keta atende ,se ema ruma husu atu paga hodi halakon virus nee.

Virus Wanna Cry moris husi tool arma cyber servisu intel Estadu Unidus America, NSA nebe naok no espalha husi grupu hacker ho naran Shadow Broker iha Abril foin lalais nee. Relatorio foun temi dehan iha Reinu unidu horpital 16 nebe halibur iha rede National Helath Service sai ona victima WannaCry. Se total hotu, liu ona kasu infesaun virus Wanna Cry  75.000 iha nasaun 100. Timor Leste lae ?